Aguraindik Laudiora joan da OHOLTZAPETIK, Aretako Kultur Etxe parean, eguzkipe ederrean elkartu ziren bertsozaleak. Entzulea epaile, Felipe Zelaieta izango da Unai Anda eta Aroa Arrizubietarekin batera Murgiako finalean.
Laudioko Aretako Kultur Etxe kanpoaldean izan zen pasa den ostiralean OHOLTZAPETIKeko azken aurreko saioa finalaren aurretik. Giro bikainean elkartu ziren Xabi Antia, Izar Mendiguren, Oihane Perea eta Felipe Zelaieta, Lierni Altunaren agindutara. Entzuleari zirika eta hauekin hartu emana lortu nahian ibili ziren bertsolariak eta baita asmatu ere! Ia ordu betez, eguzkia sartzen ari zela bertsoaz gozatzeko aukera izan zuten bertaratu ziren 30 lagun inguruk.
Azkenean txalometroak hala erabakita, Felipe Zelaietak abestuko du Murgiako finalean, momentuz, Aroa Arrizubieta eta Unai Andarekin batera.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
