Aldundiak herri arteko garraio lineak finantzatuko ditu aurten, 2,6 milioi euro jarrita
Urtean ia 600.000 bidaiarik erabiltzen du zerbitzu publiko hori
Arabako Foru Aldundiak 2,6 milioi euro jarriko ditu aurten, herri arteko errepideko garraio lineak finantzatzeko, Arabako hainbat herri eta eskualde erregulartasunez komunikatzen dituen eta, beraz, lurralde historikoa egituratzen laguntzen duen zerbitzu publikoa manten dadin.
Diputatuen Kontseiluak erabaki du esleitzea Arabako Errioxa, Aiara eta Araba Erdialdeko emakidei dagozkien herri arteko errepideko garraio lineen kontratuetako aurrekontua. Iaz, ia 600.000 lagunek erabili zituzten linea horiek, zeinak ez bailirateke bideragarri izango aldundiak laguntza ekonomikorik emango ez balu.
Emakida horiek 2015. urtearen bigarren seihilekoan berritu ziren, eta orduz geroztik, bidaiarien kopuruak gora egin du, % 10 baino gehiago, batez beste.
Ekitaldi honetan, Bide Azpiegituren eta Mugikortasunaren Sailak 960.000 euro erabiliko ditu Araba Erdialdeko emakidako zazpi lineak finantzatzeko (besteak beste, Langraiz Oka, Dulantzi, Araia, Aramaio eta Legution ematen dute zerbitzua), 736.500 euro Aiarako emakidako lineetarako eta 880.000 euro Arabako Errioxako emakidarako.