.jpg)
Arabako Foru Aldundiak bultzatzen dituen Gasteizko, Laudioko eta Oiongo enplegu anezkek lana bilatzeko beren proiektu pertsonala eta kolektiboa aurkeztu diote gaur lurraldeko enpresen ordezkari talde zabalari. Anezketako parte hartzaileek eta enpresetako gizarte baliabideen arduradunek ere partekatu dute topaketa eta bitartekotzarako espazioa. Urrian jarri zituzten abian Enplegu, Merkataritza eta Turismo Sustapenaren eta Foru Administrazioaren Sailak eta Santa Maria la Real Fundazioak, Telefonica Fundazioarekin eta Lanbiderekin elkarlanean, lau anezka horiek, helburu zutela 72 pertsona trebatzea, lanpostua bila zezaten. Koordinatzaile bat da talde bakoitzaren liderra, eta haren eskuetan jartzen ditu gaitasunak hobetzeko, lan merkatua aztertzeko eta enpresekin harremanetan jartzeko tresnak. Langabezia tasarik handiena duten Arabako udalerri eta eskualdeetan enplegua sustatzeko programa berezi baten zati da ekimen hori, kontrataziorako plan berezien garapenarekin batera. Gasteiz, Laudio eta Oiongo enplegu anezkek proiektuaren bide erdia egin dute, eta duela zenbait astetik hona hainbat konpainia eta erakunderekin bitartekotza lan handia egiten ari dira.
Arabako Foru Aldundiak lan horretan lagundu nahi izan du, eta anezkak Arabako arlo ekonomiko guztietako 20 enpresari aurkezteko ekitaldia antolatu du Artium museoan. Beste hainbeste, Mercedes, Michelin, CIE Automotive, IMQ, URSSA, El Corte Ingles eta Eroski izan dira topaketan horretan. Emaitza positiboak Enplegu, Merkataritza eta Turismo Sustapenaren eta Foru Administrazioaren Saileko foru diputatu Cristina Gonzalezek Santa María La Real Fundazioaren Enplegu Anezken Programako lurralde koordinatzaile Nuria Camponekin eta Telefonica Fundazioaren enplegagarritasun arduradun Elene Ayusorekin batera inauguratu du foru hori. Era berean, Gasteizko enplegu zinegotzi Nerea Melgosa eta Oiongo alkate Eduardo Terroba ere izan dira bertan. Gasteizko, Laudioko eta Oiongo udalek ere parte hartzen dute proiektuan, anezkei bileretarako aretoak eta lantokiak utziz. “Hasieran talde horietako kide izan ziren 28 pertsonak aurkitu dute dagoeneko lana, egin zuten ahaleginari eta anezkaren babesari esker. Iaz laneratze tasa % 60 baino gehiago izan zen eta aurten laneratze tasa hori berdindu edo hobetzeko bidean goaz; beraz, bejondeizuela proiektuan parte hartzen duzuen pertsona eta erakunde guztioi”, adierazi du Cristina Gonzalezek. Foru diputatuak nabarmendu du enplegua sustatzeko foru politikek 2,5 milioi euro izango dituztela, 2017an baino % 80 gehiago, zeren eta, azpimarratu duenez, “enplegua sortzen laguntzea Arabarren lehentasun nagusia baita eta, hortaz, gurea ere bai. Datozen urteotarako erronka langabezia murriztea ez ezik, sortzen den lana kalitatezko izatea ere bada, kalitatezkoa egonkortasunari eta soldatei dagokienez".
Gasteiz, Laudio eta Oiongo enplegu anezkak 72 langabeturekin (gizon eta emakumeak, adina, prestakuntza eta ibilbide profesional askotarikoak) hasi ziren lanean. Horiei lanbide-orientazioa eskaini zitzaien, bai eta lan bilaketa sustatzeko eta optimizatzeko laguntza ere. Horretarako, langabetuon esku egungo lan merkatuaren beharretara egokitutako tresnak, teknikak eta gaitasunak jarri ziren. Tresna eraginkorra Lau hilabete geroago, talde eta norbere lanaren ondorioz, badira 28 parte hartzaile hainbat sektoretan besteren konturako lana aurkitu dutenak, esaterako, garbiketan, industrian, ostalaritzan, ingeniaritzan, administrazioan, merkataritzan, turismoan, laneko arriskuen prebentzioan, proiektuen kudeaketan eta komunikazioan. Horren gain, badira bi kide Lanbide Ziurtagiria lortzekotan dihardutenak, lan praktikak eginez. “Badira enpresak aurreko ekitaldian anezketako parte hartzaileak kontratatu zituztenak eta oraingo honetan ere anezkei begira daudenak gaitasun bila. Era guztietako kontratuak daude, mugagabeak ere bai. Benetako arrakastak ere badaude: lehen lana lortu duten gazteak edo langabezian luzaroan egon ondoren berriro laneratzen diren 50 urtetik gorakoak. Erronka da parte hartzaile guztiek beren helburua lortzea”, jakinarazi du Anezken Lurralde koordinatzaile Nuria Camponek. “Anezkena proiektu itxaropentsua da, berritzailea ikuspuntuari dagokionez, eta talde lanaren alde egiten du langabezia egoerak gainditzeko. Telefonica Fundaziotik ere ekimen horren alde egiten dugu, eragile biderkatzailea izan nahi dugu, emaitza onak ugarituko dituena, langabetuak laneratzen lagunduko duena”, gainditu du erakundearen Enplegagarritasun Atalaren arduradun Elena Ayusok.
Erakundeetako arduradunen ondoren, lau anezkak osatzen duten pertsonen eta networking gunearen aurkezpena egin da. Horrez gain, elkarrizketak egin zaizkie SEA-Arabako Enpresaburuaren, Merkataritza Ganberaren, AEnkomerren eta Autonomoen Euskal Elkartearen ordezkariei eta hogei bat enpresetako giza baliabideen arduradunei, besteak beste hauetakoei: Mercedes, Michelin, CIE Automotive, JEZ Sistemas Ferroviarios, URSSA, Eroski, El Corte Inglés, Kupsa, Grupo Praxis Pharmaceutical SL, IMQ, Eulen Flexiplan, Airestudio Ceoinformation Technologies, Beinke, Bell Publicidad eta Hotel Jardines de Uleta.