.jpg)
Arabako Foru Aldundiak zazpi langabeturen prestakuntza eta kontratazioa bultzatu ditu Arabako Laudion eta Amurrion, lurraldeko batez bestekoa baino langabezia tasa handiagoa duten udalerrietan langabeziaren aurka jarduteko programaren esparruan.
Programa honen asmoa da laneratzeko zailtasuna duten pertsonen enplegagarritasuna hobetzea, alde behartsuetan langabezia murriztea eta gizarte edo ingurumen proiektuak gauzatzea. Cristina González Enplegu, Merkataritza eta Turismo Sustapenaren Saileko diputatuak bilera bana izan du gaur Laudioko alkate Natxo Urkixo eta Amurrioko alkate Josune Irabienekin, enplegu foru planekbi herrietan zer garapen izan duten elkarrekin aztertzeko eta funtzionamendua ebaluatzeko, 2019ko deialdiko oinarriakprestatzeari begira.
Cristina Gonzalezek eta bi udal arduradunek bertatik bertara ikusi dute, gainera, zer lan egiten ari diren onuradunak herri horietako gune berdeak eta ekipamenduak berreskuratzeko. “Azken hiru urteetan ia milioi erdi euro bideratu ditugu Laudio eta Amurrioko 28 langabeturi prestakuntza eman eta lanpostu bat eskueran jartzeko. Pozik gaude emaitzekin, eta aurten berriz ere onetsiko dugu bereziki kaltetuak dauden taldeen laneratzea bultzatzeko laguntza deialdi hau” iragarri du. Foru gobernua joan den urtearen bukaeraz geroztik enplegu planak bultzatzen ari da langabezia tasa handiena duten lurralde historikoko zortzi udalerritan: Oion, Amurrio, Laudio, Bastida, Agurain, Santikurutze Kanpezu, Lapuebla de Labarca eta Moreda Araba.
Plan hauek Lanbidek jarritako 382.100 euroz horniturik daude eta herri haietako 34 pertsona prestatzea eta kontratatzea dute helburu.
“El Refor” berreskuratzea
Laudioko enplegu planari esker, zeina udal horretako udalaren laguntzarekin egikaritu baita, urte hasieratik udal horretarako lau langabetu kontratatu dira –langile buru 1 eta 4 lorezain–baso itxiturak kendu eta haiek birziklatzeko, modu horretanhobetu egiten baitira joan-etorriak baso irekian eta aurre hartzen baitzaie suteei udan.
Plan horrek 56.369 euroko aurrekontua dauka. Amurrioko enplegu planaren kasuan, langabezian dauden bi pertsona sei hilabeterako igeltsero ofizial gisa kontratatuko dira, aipatutako eraikina elikadura nekazaritza enpresen haztegi bihurtzeko. Arabako Foru Aldundiko Enplegu, Merkataritza eta Turismo Sustapenaren Sailak ekintza hori 43.170 eurorekin finantzatu du.
Cristina González diputatuak azpimarratu duenez, plan horien xedea da “herri horietako pertsona talde bat langabeziaren gurpiletik ateratzea, laneratzea eta behin programa bukatzen dutenean haien enplegagarritasuna hobetuko duten prestakuntza eta esperientzia eskaintzea”. Gonzalezek, Urkixok eta Irabienek onuradunak ezagutu dituzte, haiek egiten diren lanak bisitatu dituzte, eta haien ahalegina eskertu dute. Araban langabeziak duen bilakaera “ona da, legegintzaldi honen hasieratik langabeziaren erregistroetan ia 6.000 pertsona gutxiago baitaude”, adierazi du diputatuak, baina “oraindik ere 19.000 arabar baino gehiago daude lan egin nahi eta ezin dutenak. Hortaz, gure lehentasuna langabezia da oraindik eta, arrazoi horregatik, 2015etik lau halako egin dugu enplegua sustatzeko eta haren kalitatea hobetzeko aurrekontua”.