Foru Aldundiak onespena eman dio AP-68 eta AP-1 autobideetako bidesarien hobarien urteko deialdiar

Erabiltzailearen aurpegia
AP 68ko irudi bat./ Aiaraldea.eus

Baliabide kontsignatuak bi milioi eurotik gorakoak dira.

Arabako Foru Aldundiak beste urtebetez hobariak emango dizkie AP-68 eta AP-1 bidesaridun autobideak erabili ohi dituzten arabarrei, bidesarien kostua arintzeko helburuarekin. Programa horietarako baliabideak guztira 1,6 milioi euro izan ziren 2019an, eta 2.500 lagun inguru izan ziren onuradunak.

Gaur, Foru Gobernu Kontseiluak onetsi du AP-1 eta AP-68 autobideen diruz lagun daitezkeen tarteetako bidesarietarako hobarien deialdi publikoa, 2020rako, bai eta dagozkien aurrekontu esleipenak ere: lehenengo kasurako, 850.000 euro, baina zenbateko hori 1.400.000 euro arte handi daiteke; eta, bigarrenerako, 400.000 euro, 675.000 euro arte igotzeko aukerarekin.

Horrela, Arabako Foru Aldundiak jarraipena emango die laguntza programa horiei, uste baitu finkatutako politika sozial bat dela, Arabako herritar guztientzat irekia eta, gainera, batez ere egunero beren ikastegietara edo lanpostuetara joaten diren ikasle eta langileei onura ematen diena.

Bidesari sozialaren programa 2002. urtearen hasieran sortu zen eta haren helburua, hasiera batean, lanarengatik, ikasketengatik edo beste edozein arrazoirengatik AP68 autobidean sarri ibili behar zuten arabarrei hobariak ematea izan zen. Programa hau, geroago, Gasteiz eta Eibar lotzen dituen AP1 autobidea sarri erabiltzen dutenentzat zabaldu zen.

Betekizunak eta baldintzak

AP-1 autobidea sarri erabiltzen dutenek, 2020an ere, hileko tarifa laua edo gehienez ere 15 euro ordaintzea izango dute Etxabarri Dibiña - Eskoriatza tarteagatik, eta 75 euro, Etxabarri Dibiña - Maltzaga tarteagatik, hau da, autobidearen ibilbide osoarengatik.

Bestalde, AP-68 autobidea sarri erabiltzen dutenek bidesariaren prezioaren % 60ko hobaria izan ahalko dute (BEZa barne), hilean 15 bidaia baino gehiago egiten badituzte.

Arabat-Arabako Bideak foru sozietatearen ardurapeko hobari programa horien onuradun izateko Araban izan behar da egoitza eta teleordainketa sistema ibilgailuan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide