Foru Gobernuak bere jabetzako lokal bat egokitzeko proiektua onetsi du gaur, Laudion jendaurreko arretarako, erregistrorako eta Ogasunaren zerbitzurako bulego berri gisa gaitzeko. Proiektuak hainbat lanpostu eta bileretarako gune bat sortzea aurreikusten du, eta guztira 496.000 euroko inbertsioa izango du.
Arabako Foru Aldundiak lokal bat erosi zuen Laudion 2019an, Laudioko eta Aiarako Kuadrillako herritarrei arreta emateko bulego, erregistro eta Ogasuneko
zerbitzu gisa erabiltzeko. Lokala Alberto Acero plazan dago, eta 326 metro koadroko azalera eraikia du Helburua da Arabako Foru Aldundiak Laudion duen presentzia indartzea eta udalerri horretako herritarrei eta eraginpeko eremukoei eskaintzen dizkien zerbitzuak hobetzea.
Foru Gobernuak lokal hori aurreikusitako erabileretara egokitzeko proiektua onetsi du gaur. Proiektuak hainbat esku-hartze jasotzen ditu, 496.000 euroko aurrekontuarekin (BEZa barne), eta Alberto Acero plazan kokatzen du bulegoaren jarduera eta sarrera nagusia, espazio publiko hori biziberritzen laguntzeko. Proiektuaren beste premisa bat da lokalaren bi orientazioen arteko komunikazioa ziurtatzea eta sarbide bikoitza mantentzea: Alberto Acero plazatik eta Nerbioi kaletik.