Foru Aldundiak Maroñoko urtegiaren urbazterreko ingurunea egokitzeko eta ingurumen aldetik lehengoratzeko proiektua eta obrak onetsi ditu.Esku hartze horretan, urtegiaren hegoaldeko adarreko urbazterren sektorean landareak birsortzeko eta lehengoratzeko lanak egitea aurreikusi da.
Eremu hori narriatuta dago gaur egun, inguruko baldintzetan eragina duten hondakinak, isurketa guneak eta higadura prozesuak daudelako.
Hauek dira egin nahi diren lanak, besteak beste: hondakinak eta isurketak kendu, saneatzeko tratamenduak egin eta urbazterreko landaredia hobetu, landare lurra eman substratu eskaseko eremuetan, ereiteak eta zuhaitz eta zuhaixka autoktonoen landaketak egin iragazki berderako urbazterreko zerrendetan eta babes itxituretan.
Lan horiek egiteko aurrekontua 127.346,17 euro da, BEZa barne, eta, epea, hamar aste.
Arabako Foru Aldundiak eta Eusko Jaurlaritzak Aiaraldeko Berehalako Jarduera Planean jasotako «Ingurumena eta mugikortasun jasangarria» proiektuaren esparruan 2022ko abenduan sinatutako lankidetza hitzarmenean aurreikusitako ekintzen barruan sartzen da jarduera hori.