🔴 AMURRIOKO UDALAK DIRU-LAGUNTZA KENDU DIO ESKUALDEKO EUSKARAZKO KOMUNIKABIDE BAKARRARI 🔴
📝 Eman atxikimendua eta babesa Aiaraldea Komunikabideari, hemen sinatuta 👇
www.labur.eus/amurrioneuskarazbizinahidugu
📍 Ekainak 21, ostirala, AGERRALDI HERRITARRA Amurrioko Juan Urrutia plazan, 19:30ean.
Arabako Foru Aldundiaren Erakunde Autonomoak Laudioko parkera bideratutako profesionalek Artzako industrialdetik aldi baterako zerbitzua eman dezaten beharrezkoa den lekualdaketa osatu du. Lehen urratsa da Aiarako KPEE osorik eraberritzeko, eta obretan egongo da 2026ra arte.
Gaur goizean, Jone Berriozabal Berdintasun, Euskara eta Gobernantzako diputatua, erakunde autonomoko presidentea ere badena, instalazio berrietan izan da, kamioien aparkaleku zaharra egokitzeko egin den inbertsioa bertatik bertara ikusteko.
"Lekualdaketa hori guztiz beharrezkoa zen erreforma bat egiteko, eta ezin zen gehiago atzeratu", azaldu du Berriozabalek, "uste dut profesionalei baldintza onenetan lan egiteko aukera emango dien lantoki handi bat bihurtzeko hartu diren neurriak egokiak izan direla. Ziur nago behin-behineko parke honek egungo parkeak baino prestazio hobeak eskaintzen dituela eta herritarrei zerbitzu handia eskaintzeko aukera emango digula ".
Behin-behineko instalazioek 500 m2 inguruko espazioa dute, hainbat modulu aurrefabrikatuz osatua, eta bertan ezinbesteko eremu guztiak daude, hala nola sukaldea/jangela, gelak, prestakuntza-gela, aldagelak edo gimnasioa. Osakidetzako langileentzako espazioa ere barne hartzen du.
Kanpoaldean, beste 500 m2 ibilgailuentzat dira. Aparkaleku zabala dute karpa batez estalita, eta maniobrak egiteko gune zabala.
Behin-behineko kokapenari esker, era berean, suteak itzaltzeko eta salbamendurako ibilgailuak arin atera daitezke, eta zerbitzu azkarragoa eta eraginkorragoa eskaini.