Obraren aurrekontua 574.683,46 euro da (BEZa barne) eta sei hilabete izango dira haiek egiteko. Proiektuak Izoriako egungo bi hobi septikoak kentzea eta 1.180 metroko luzerako kolektore berri batera konektatzea jasotzen du. Kolektore horrek, grabitatez, Murgako industrialdeko saneamendu sarera eramango ditu hondakin urak. Sare hori, era berean, orain Kantauriko Konfederazio Hidrografikoa egiten ari den obrekin, Markijanako HUAri lotuta geratuko da, Olabezar hirigunearekin batera.
Obraren jarduketa berezietako bat A-624 errepidearen azpian 48 metroko luzera duen tinkatze bat egitea da, lanek iraun bitartean trafikoari ez eragiteko.
Esku hartze hori 2016-2026 aldirako Arabako Hornidura eta Saneamenduko Plan Zuzentzailearen barruan jasota dago, eta herrigune horretako hondakin urak Markijanako HUA berrian tratatzeko aukera emango du etorkizunean, eraikitzen ari baita.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
