Stonewall-eko istiluak 1969ko ekainean gertatu ziren New York hirian: LGTB mugimenduaren pizkunde politikoaren ikurretako bat dira. Harrotasunaren Eguna ospatzen da gaur egunean mundu guztian haren omenez. Dokumental honek lekukotasun eta garaiko irudiekin ilustratzen du gertatutakoa, eta orduan Estatu Batuetan bizi zen giroa. Gertakari haiei riots esan ohi zaie historian (istiluak), baina dokumentalak uprising edo altxamendu hitza hobesten du, eta ondo ulertzen da hori ikusten baduzue.
Estatu Batuetako PBS kate publikoko telesail dokumental bateko atal gisa eman zen arren (American Experience S23E08), film beregaina eta ekoizpen independentea da, zine aretoetan ere eman zutena.
Zuzendariak: Kate Davis, David Heilbroner
Ekoizleak: Kate Davis, David Heilbroner, Mark Samels
Elkarrizketatuak: Virginia Apuzzo, Raymond Castro, Danny Garvin, Seymour Pine, Martha Shelley, Howard Smith, Doric Wilson eta beste hainbat.
Azpititulu hauek elkarlanean euskaratu dituzte Azpitituluak.eus-eko honako kideen artean: @aintzanemug, Oier Gorosabel Larrañaga, @jaritxote, Luistxo, @Josu_Goiko, Joxe Aranzabal, Eneko Olazabal, Marijo Deogracias.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide