1965ean milioi bat komunista inguru hil zituzten Indonesian, militarren estatu kolpearen ondotik. Orduko hiltzaile haien testigantzak bildu ditu Oppenheimerrek dokumental honetan, baita gertakarien antzezpen bat egitera gonbidatu ere, erailketak nola izan ziren hobeto ulertarazteko. Odola izozten dute film honetan agertzen den bortizkeria guztiek, baina beharbada oraindik eta izu handiagoa eragiten du hiltzaileen inpunitateak. Beste hainbat herrialdetan emandako inpunitate egoerak oroitarazten dituelako. Gurean, urrutirago joan gabe.
Jatorrizko izenburua: The act of killing
Euskarazko azpitituluak: azpitituluak.eus
Zuzendaria: Joshua Oppenheimer.
Ekoizleak: Errol Morris, Werner Herzog, André Singer.
Protagonistak (hiltzaileak eta genozidioaren antolatzaileak, alegia): Anwar Congo, Jusuf Kalla, Herman Koto, Ibrahim Sinik, Adi Zulkadry, Yapto Soerjosoemarno eta beste batzuk.
Kredituetan teknikari asko Anonimo gida ageri dira, filma ikustean ulertuko dituzuen arrazoi argiengatik.
Kontestu historikoa: Suhartoren kolpea eta 1965-66 urteetan Indonesiako komunisten kontra egin zen genozidioa.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide