(Argazkian Iñigo Elosegi garaile sartzen helmugara)
Artziniegak hartu zuen XXV. Aiara Birako bigarren etapa. Eguneko menuan hiru mendate, Artziniegako erdiguneko harri bidea eta 114 gazte gogor borrokatzeko gogoekin. Iñigo Elosegik (Autonervion-Renault) lasterketaren liderra, berriz ere indartsuena bezala agertu zen eta, helmugan Unai Diazi (Bathco) minutu ta erdian aurreratu zuen.
Aurretik hamaika erasoaldi baina ez zen bigarren birarate, Artziniegako harri bidetik pelotoia igarotzen zenean, eguneko ihesaldi ona sortu zen. Julen Latorre Amurrioarrak (Opticas Luyando-Ganzedo) eraso gogorra jo eta 25 segunduko tartea edukitzera heldu zen. Ureta inguruan, liderrak tiratuta hamaika ziklistek osatutako talde bat batu zitzaion eta Garabillako bigarren igoeran liderra zen bakarrik ihes egiten zuena. Potentzia erakustaldi batez bakarrik egin zituen azken hamabost kilometroak helmugan minutu ta erdian aurreratuz bere iheskideei. Sailkapen nagusiaren buru izateaz gain, Elosegik mendiko eta tarteko helmugen maillota lortu zituen ere. Latorrek lehen txirrindulari arabarra da sailkapen nagusian, eta kadeteko lehen urtekoen artean Aritz Zabala (Basati Bike) da liderra.
Hurrengo larunbatean Aiarako Bira Amurriora doa, 44 kilometroko ibilbidea eta Saraube igoera birritan. Nahiz eta oraindik bi etapa falta diren, Elosegi liderrak bere alde du sailkapen nagusia, bere aurkariek ausart izan beharko dira edo liderraren ahultasun momentu baten esperoan egon.