Gaur Gasteizko lan arloko epaitegian Inauxa enpresaren aurkako epaiketa egingo da,aurtengo irailaren 2an langile bat kaleratzeagatik. Langile horrek errelebo-kontratu bat zuen, eta Inauxako zuzendaritzak eta enpresa-batzordeak sinatutako akordioaren arabera kontratu hori mugagabea izatera pasatu behar zen egun berean, langilea kaleratua izan zen.
Enpresa batzordearen esanetan, enpresak bidegabeko kaleratzea egin duela onartu badu ere, langileak jarritako salaketarekin aurrera jarraitzeko erabakia hartu du, enpresak batzordearen eta zuzendaritzaren arteko akordia ez betetzeaz gain, laneko hitzarmen kolektiboa ere ez baitu bete, langile bat legez kanpo kaleratua denean honek berriz laneratzearen eta kalte-ordainaren artean aukeratzeko eskubidea baitu.
Gaurko mobilizazioak deitu ditu enpresa-batzordeak
Horregatik guztiagatik, protesta egiteko deia egin du Inauxako enpresa-batzordeak, gaurko bi elkarretaratzea deituz, bata lan arloko epaitegiaren aurrean 11:15etatik 11:30etara lankidea epaiketaraino babesteko, eta bestea enpresaren aurrean 13:45etatik 14:15etara.