Nareak elkarteak, Arabako natur-gune eta parkeak eraikitzera eta zaintzera bideratutako taldea, jolas-parkea edo naturan integratutako parkea eraiki du Maroñon, urtegiaren ondoan, bere hegoaldeko bazterrean. Momentuz, Nareak-ren sarearen barnean dagoen Aiara osoko herri edo zonalde bakarra da.
Foru Aldundiak bertan erretegiak, mahaiak, bankuak eta umeentzako kulunkak jarri ditu. Honekin, mendiaren eta naturaren zaleek, euren familiekin eguna pasatzeko Aiaraldeko eta Araba osoko txoko berri bat dute.
Foru Aldundiak 90.000 euroko inbertsioa gutxi gorabehera egin du eta lehen aipatzen genituen eraikitako gauzez aparte, ingurugiroan integratutako zabor-ontzia eta inguruaren berri ematen diguten panelak edo afixak kokatu dituzte. Umeei zuzendutako zarabandek itxura bitxia dute, naturako elementuak kopiatuz (perretxikoak, barraskiloak...).
Bertan egon garenok lekuari egin ahal dizkiogun kritika bakarrak, bertako bizilagunek eta bisitariek parkerainoko pistan aurkitu duten lokatz pila da. Pista, lurrezkoa eta legarrezkoa denez, garai hauetan bereziki itxura txarra hartzen du. Bertako zoruan dauden zuloguneek kotxeren batzuk igaro ezinik geratzea eragin du.
Nareak elkartea berritzen doa urteen joan-etorriarekin. Lehen euren sinboloa urte askotan erabilitako barraskiloa bazen, orain, Kukuxumusuk ikur berritzailea sortu die. Gainera, Kukuxumuxuk diseinatu egin ditu parkeko kolunpioak ere.