Aiaraldeko orientazioko korrikalariek emaitza oso onak lortu zituzten atzoko Bizkaiko Sariko proban, Gibilloko distantzia klasikoko lasterketetan. Egun hasieran eguraldiari, lanbroari, barre egiten genion negar ez egiteagatik, baina goizeko bederatzi eta erdiak aurrera, lasterketan hasierarekin, eskertzeko eguzkia agertu zen. Eguzkiak seguruagoak egiten zituen korrikalariek zeharkatu beharreko zonalde eta zelai izoztuak.
Aaron Garmendia, eta Ibone Garmendia laudioarrek lehenak geratu ziren txapelketa unibertsitarioan, bakoitzak bere kategorian. Bestalde, Nuria eta Mikel Monasterio amurrioarrek txapelketa unibertsitarioan bigarren postua eta “Open” mailan hirugarren postua lortu zuten hurrenez hurren. Gure txapeldunek, erabakita ez dagoen Espainiako zonalde batetan Espainiako txapelketa unibertsitarioa jokatzeko aukera izango dute, maiatza aldera.
Aaron, lauron artean esperientzia handiena duena, ez zuen egin bere bizitzako lasterketarik, arazoak izan baitzituen tripako minekin. Besteek beraietaz espero zena eman zuten, Ibonek (raid eta triatlon korrikalaria) ondo aritu zen, eta Mikelek, pertsona orora irekita dagoen kategorian, podiuma eta oparitu zioten Leongo txorizoa eraman zuen etxera.
Antolatzaileen datuak benetazkoak ziren, eta 330 pertsona asko badira, ez ziren askoz gutxiago gerturatu. Estatu Batuetako, Frantziako eta Espainiako selekzio ahalguztiduna osatzen duten kataluniar gehienak hurbildu ziren, postu onak eskuratuz.
Orientazio konpetizio eran ikusi eta gozatzen ez dituztenek, mendian eguna pasa zuten, kirola gustura egiten eta noizbait lagungarria izango diren orientazio-nozio oinarrizkoenak ikasiz.