Orain arte Laudio hirugarren mailako IV. taldeko lider boteretsu eta ahalguztiduna bazen ere, Sestao Riverra aurrena izan den aste eskasak kontutan hartu gabe, badirudi azken boladan, pasa den asteburutik hona, bigarren talde hori dela txapelketaren erritmoa zehazten duena.
Laudiok ezin zuen berdinketa baino ezer gehiago lortu pasa den igandean Santurtziren kontra, teorian nahiko erraza izan behar zuen partidu batean, nahiz eta Ramon Castelok partidu aurretiko deklarazioetan gauza bera ez pentsatu. Laudio eta bere entrenatzailea prest zeuden partidu horretarako, denok dakigulako futbolean nahiz beste kiroletan partidu errazarik ez dagoela.
Laudiokoak arazo larriak izaten ari dira etxean, beste talde indartsuei gertatzen zaien ez bezala, eta igandekoa partidu iluna eta dibertimenturik gabekoa izan zen. Ez zen partidu polita izan, ezta futbolak duen magia gustokoa dutenentzako aproposa, baina Santurtziko mutilek hasieratik martxan jarri zuten sistema-defentsiboak bere fruituak ekarri zituen. Santurtzi jaitsiera postuetan zegoen, baina zuhurtziaz eta ordenarekin defendatu zuten partidu osoan zehar.
Laudio txarto aritu zen partidu osoan zehar, baina bereziki ahul agertu zen lehenengo zatian, partidua dominatu ezinean. Bigarren zatian, berriz, nahiz eta Laudioren jokoak gora egin, ate aurrean ez zuen izan batzuek zortea deitzen dutena (niretzako abilidadea).
Ramon Castelok aldaketa ugari egin zituen bigarren zatirako, erreakzioa eta mentalitate-aldaketa topatu nahian. Zeharo ez zuen lortu, baina bai muga batzuen barne, eta taldeak aurpegi ezberdina erakutsi zuen. Laudio agresiboago eta indartsuago bat ikusi genuen.
Lehen aipatu dudan legez, Laudiok baloiaren jabetza izan zuen bigarren zatian, baina ez zuen asmatu gola sartzerako unean. Pastrian, taldearen golegile eta salbatzaile betiko paperean, borrokatu zen aurkako defentsarekin jokaldi orotan, baina zoritzarrez gure taldearentzako, ez zuen ezer lortu. Honetan ere, harri batek berak pareta ez duela egiten ikusi ahal izan zen.
Lortutako puntu horrek, nahiz eta lideratotik aldendu, bigarren posizioa sendotzea dakar. Orain, aste honetako asteburuan, Laudiokoek orain arte bezala aurrenak eta gibel onekoak direla erakusteko aukera izango dute, edo alderantziz, ondoko semeak baino ez direla erakutsiko diote munduari. Sestao Riverraren aurkako partiduan, mailako bi talde onenak lehiatuko dira, eta hori dela eta, ea behingoz amaitzen den lideratoaren dantza.