Igande honetan Goikogane MTak aurtengo eskola-kiroleko 2. irteera egingo du, Urizaharra eta Ocio udalerrien artean. Autobusa Laudioko institutu ondotik irtengo da goizeko zortzi eta erdietan, eta bigarren geraldia Aretan egingo du. Urizaharra eta Ocio lotzen dituen ibilibideak 10 kilometro ditu gutxi gorabehera. Gizakiaren lehenengo aztarnak Urizaharran Brontze Arokoak dira. Han bertan, herriaren alde zaharreko eraikinak eta harresia ikusteko aukera izango dute umeek. Herriko plazan, XIII. mendeko eliza ederra dago, herri honek Erdi Aroan izandako garrantziaren adierazgarri. Erdi Aroan, Antso errege nafarraren agindupean egondako herrien artean garrantzitsuenetarikoa izan zen. Ociorainoko bidea, Inglares ibaiaren ondotik igaroko da ibilbide osoan zehar. Mendi talde laudioarrak sei urte daramatza proiektu honekin. Urtean zehar Arabatik egiten diren ibilaldiek zonalde konkretu bat ezagutzea dute helburu. Aurten, irteera gehienak GR1 ibilbidearen barnean izango dira, Arabako hegoaldean. Ekintza hauek 1995 eta 2002 urte bitartean jaiotako Laudioko edozein eskoletako ikasleei daude zuzenduta. Izena emateko bi modu dago, irteeraren aurreko asteartean taldearen egoitzan apuntatzea, edo eskola bakoitzean ekintza hauetako arduraduna den pertsonarekin harremanetan jartzea. Laudioko mendi taldeak antolatzen dituen irteerei Udaleko euskara sailak orain dela gutxi prestatzen hasi dituenei gehitzen badizkiegu, ume laudioarrek mendira joateko aukera on eta anitzak dituzte.
Igande honetan Goikogane MTak aurtengo eskola-kiroleko 2. irteera egingo du, Urizaharra eta Ocio udalerrien artean. Autobusa Laudioko institutu ondotik irtengo da goizeko zortzi eta erdietan, eta bigarren geraldia Aretan egingo du.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide