.JPG)
Artea Etnografi Elkartea gaur egun Artziniega Museoaren kultur kudeatzailea da, eta urtero antolatzen ditu antzinako bizimoduekin lotutako jarduera etnografikoak. Urtaro bakoitzari lotutako jarduerak egiten dira: udaberrian “Ohiko oratua eta labealdia”, udan “Udako solstizioa”, udazkenean “txarriboda” eta neguan “Neguko solstizioa Olentzero eta Mari Domingiren etorrerarekin”. Baina baita ere, urteko zikloa irekitzeko “Museo Bizia” egiten da eta bertan lanbide ezberdinak martxan jartzen dira.
Jarduera guztietan gure herriko jendearen laguntza izaten dugula azpimarratu behar dugu, ilusio handiz batzen baitira gure elkartera, lanari, ohiturei eta tradizioei erreferentzia egiten dien kultur ondare hau erakusteko asmoz.
Datorren igandean, martxoaren 15ean, Museo Bizia ospatuko dugu. Beti berdina dela dirudien arren, aldatu egiten da une bakoitzean trazatutako helburuari eta parte har dezaketen pertsonei dagokienez. Aurten, zehazki, 50 baino gehiago izango ditugu, publikoak denboran atzera egin dezan eta XX. mendearen erdialdean nola bizi ziren ikus dezan.
Aurten, ohiko lanbideez gain, argizari eta ezti gelan mielariaren lana ikusi gabe hainbat urte eman ondoren, mus-partida bat izango dugu taberna-dendan muslari onenen eskutik, pastak egingo ditugu herriko etxeko sukaldean, eta gazteak igel-jokoan arituko dira.
Jarduera aipagarri gisa, eta ez ogibide gisa, “Filandon” bat ospatuko dugu: Filandoia, hizketan eta istorioak kontatzen diren bitartean iruteko eta ehuntzeko ohitura, ohiko jarduera izan zen neguko gauetan joan den mendearen hasierara arte, non bizilagunak suaren berotasunean elkartzen ziren iruteko, josteko edo eskulanak egiteko, istorioak, kondairak, ipuinak edo kantuak kontatzen zituzten bitartean.
Beraz, 20 bat emakume elkartuko gara gure lanekin: Ehundura, irutea, gantxiloa, joskintza, ehoziriak, bordatua, vainica, frivolité, pachwork, punto de cruz, petit Pua… gure artean hitz egiteko, baina baita publikoarekin hitz egiteko eta egiten ari garenaren berri emateko ere. Lan horiek etxeko ekonomiari eusten zioten eta jarduera bateratu hori ahozko transmisio modu bat zen, gizarte kohesioa sustatu eta memoria kulturala bizirik mantentzen zuena.
Artziniega Museoan itxaroten zaituztegu, ohitura eta ofizio honi eta beste batzuei buruz gehiago jakiteko.