Kaixo guztioi:
Idazki hau agur baten iragarpena da, azken 5 urteotan HERRIAREN P.E.-ko Zuzendaritzan egon naiz eta jakinarazi nahi dizuet martxoaren 30etik aurrera ez dudala jarraituko zeregin horietan.
Urte latza izan da eta egun distantzia hartzeko sasoia heldu dela irizten diot, oso urte politak izan dira, ilusioz eta erronkaz beterikoak baina arestian esan bezala distantzia hartzeko sasoia heldu da eta banoa lasai, etorri nintzen moduan.
HERRIAREN P.E.-k etorkizunari begira erronka asko eta handiak ditu ez badugu konfortean eta konformismoan erori nahi behinik behin.
Zuzendaritzan lehendik nirekin egon direnei, nire miresmena, eta egongo diren berriei zorterik onena opa nahi diet.
HERRIAREN Pilotazale Elkartea elkarte sendo, serio eta batua nahi dut, etorkizuneko erronkei aurre egingo diena (Herriaren Elkartearen 50. Urteurrena, erdiguneko pilotaleku berria, 2030eko mundiala, biltze lana egitea inguruko Ikastetxeetan), lan horretan oinarritu behar dugulako euskal pilotaren etorkizuna, euskal pilota ikusgai egin behar dugu, ondorengo belaunaldiek ere euskal pilotaz goza dezaten.
Idazki hau baliatu nahi dut komunikabideetako kideak, sponsorrak, nirekin juntakide izan direnak, pilotak eman dizkidan ezagun guztiak agurtzeko.
Aurrerantzean ni ez naiz egongo baina HERRIAREN Pilota Elkarteak aurrera jarraituko duela dudarik ez dut.
Beste barik, pilotalekuetan elkar ikusiko dugulakoan