aiaraldea.eus

Euskaldun izatea

Erabiltzailearen aurpegia Belate Olabarria   Iritzia

Euskararen ezagutza indartuz goaz, baina euskaldun kopurua hazten ari al gara? Sarri kopuruetan geratzen gara eta ematen du hezkuntza eta hedabideak euskaratuz gero, ikastea eta erabiltzea etorriko dela, baina faktoreak askoz gehiago dira.

Euskaldun izatea gehiago da; Euskal Herriko kultura bizitzea, maitatzea, konpartitzea, euskal historiaren gutxieneko ezagutza izatea... Honekin askok pentsa lezake erabilera eta hiztun kopurua bigarren mailan kokatzen ditudala. Ez da hori, ez bada, argi dudala sentsibilizazioaren eta motibazioaren bidetik etorriko dela erabilera, eta ez alderantziz. Euskal Herriak euskara ezagutzen dutenak ez ezik, euskaldun sentitzen eta euskaraz bizi direnak ere behar ditu. Alegia, Euskal Herria bere osotasunean gozatzen dutenak.

Gure amak ez zigun hizkuntza eman. Aitak transmititu zigun baina motibazioa eta sentsibilizazioa biek, berdin-berdin. Argi daukat amari esker naizela euskaldun osoa (kultura maite dut, folklorea bizi dut, euskal geografia ezagutzen saiatzen naiz…) eta aitari esker euskalduna.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa