aiaraldea.eus

Egin dezagun amets

Erabiltzailearen aurpegia Belate Olabarria   Iritzia

Urtarrila joan zitzaigun, otsailak alde egin digu, martxoak bere bideari ekin dio eta laster dugu hemen gurekin apirila, udaberriko opor garaia!

Ohetik gogotsu jaikitzeko modu bakarra omen da jaiegunez edo asteburuaz pentsatzea. Nik horixe egingo dut. Zurekin partekatuko ditut gaurko ametsak.

Apirilaren erdialdea, urte hasierako lehenengo eguzki izpiak, basamortuko hondarrez betetako dunak, ilargi betea, izarrak… Zergatik ez bidaiatu Saharako basamortura? Eta orain 38 urte Marokoko armadak beraien lurraldetik indarrez bota zituen saharauiak eta beraien familiak bisitatzen baditut?

Gure inguru “aberats” honetan urte osoa eman eta gero, basamortuko isiltasunaz eta bakeaz gozatzeko aukera paregabea da.

Askotan galdetu didate: nolatan joango zara ezer ez dagoen lekura? Zer dela eta deusik ez daukatenengana? Agian, horrexen bila noa. Salam alekum!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa