Ume jaio berriak dena behar du; dena eman, egin, esan behar zaio. Urteak aurrera egin ahala, dependentzia gero eta txikiagoa da. Umetan; gutxi bada ere, erabaki batzuk hartu behar izango ditu, nerabezaroan sarritan egin beharko du zirt edo zart eta heldutasunean bere esku izango ditu erabaki gehienak, horretarako gaitasuna omen duelako. Gure inguruan ditugun ume askok bere nahia lortzeko, borroka egitea, musu ematea, negar egitea, barkamena eskatzea eta abar erabakitzen dute momentu askotan. Nerabe askok “paga” zineman, arropan edo parrandan gastatzea erabakitzen dute. Helduok ere askotan erabaki behar dugu zertan gastatu dirua, zertan eman gure aisia, zein jaialditan parte hartu….
Azken finean, denok hartu behar ditugu erabakiak noiz edo noiz. Euskal Herria adinez nagusia da. Umetan, bere lurrengatik borroka egitea erabaki zuen, gaur egun “paga” nola gastatu erabaki behar du etengabe, baina, horrez gain, aisialdia zertan eman erabaki beharko luke, zein jaialditan parte hartu… Azken batean, independentea izan beharko luke zirt edo zart egiteko. Goazen elkarrekin independentziarako bide hori urratzera!