Gabonetan eros ditzagun euskal opariak!

Erabiltzailearen aurpegia

Urte bukaera nolabait opari sasoia izaten denez, Olentzero dela eta, aukera egokia dugu, egoera ekonomikoak uzten digun neurrian euskarazko produktuei eusteko.

Oso garrantzitsua da gure haurrei euskarazko materiala eskaintzea: kantak, pelikulak, ipuinak, etab, haien belarrietan hizkuntzari nolabaiteko sostengua eta ohitura eman ahal izateko, batez ere euskaraz entzuteko horrenbeste aukera ez dagoen tokietan.

Beste aldetik nekez dabilen diskografia eta liburugintzari aupada bat emateko aukera izateaz gain, gure barruari bizipoza txiki bat eskaintzeko parada ere bada. Aurten poztasunaz hartzeko izan dira Durangoko Azokaren emaitzak, baina hala ere jarraipena izan behar dute.

Gure kantari klasikoez gain -Benito Lertxundi, Laboa, Gorka Knorr, Lete, Erramun Martikorena, Ordorika- oraingo belaunaldikoen bultzada ere badugu, Gozategi, Gose, Eñaut Elorrieta… Eta, hauen barruen ere, oso hunkigarria egin zitzaidan Behenafarroako Anne Etchegoyenen, Frantzian urrezko diskoa izan denaren, ‘Txoriak txori’ren ETBk iaz egin zuen bideoklipa. Benetan ederra, Laboaren ‘Hegoak’ kantaren bertsioa, non Anne Etxegoienen ahots gaztea Aizkoa koruaren heldutasunarekin maisuki uztartzen den, Euskal Herriko mendi, itsas-labar eta bazter magiko eta koloretsuen gainean hegalaldi liluragarri batez.

Azkenik bukatzeko proposamen bat. Duela urte batzuk Araiako (Araba) lagun batek kontatu zidan herrian urtezaharrari amaiera emateko lastozko txorimalo moduko bat erretzen zutela. Kontua zen bertan erabiltzen zuten errepuierre hitzaren esangura azaltzeko. Bide batez hainbat asmo berri izaten ditugu urteberriari ekitean, horietariko bat ondoko hau ondo etorriko litzaiguke: euskarari eustea ahalik eta gehien, eta bukatzeko irakurle sufritua eta estimatua, urteberri on zuri ere.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide