aiaraldea.eus

Zorionak Urrutikoetxea!

Erabiltzailearen aurpegia Bittor Arbizu   Iritzia

Lau t'erdiko txapelketaren finala benetan historikoa izan dela aurtengoa. Nire uste apalean, Retegi aspaldiko erregeak indarrez eta ilusioaz beteriko Titini erremontatu zion 17-21 hura tamainakoa, edo agian handiagoa, zeren Irujo moduko uholdeari 10-20 gainditzea epopeia bat izan delako. Sekulakoa izan da jokatu dutena, baita gozatu duguna ere. Duela bost bat urte gure auzo batek aipatzen zidan Urrutikoetxea oso ondo ari zela, Olaizolari entrenamenduetan aurre egiten ziolako. Zaratamokoaren ibilbideari jarraitu diot ilusioz, beste batzuena ere, hurbiltasunagatik. Orain dela hiru bat urte espreski joan nintzen Lekeitiora Olaizolarekin zuen erronka ikusteko. Ezin izan zuen irabazi, baina mutil atsegina eta apala egin zitzaidan. Onena gainera pilotariek hobetzeko duten jarrera izaten da, eta hori egin du Urrutikoetxeak itzelezko poza eskualde hauetara ekarriz.

Eskerrik asko, beraz, Mikel.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa