Derbi atsegin bat azaldu zen larunbatean Ellakurin. Laudio eta Amurrioko kluben arteko partidua, 2011tik ikusten ez genuena. Harmailak jendez gainezka eta arratsalde ederra egin zuen, beraz, giro ederra geneukan Laudion.
Norgehiagoka etxekoentzat hasiera ezinhobea eduki zuen, bigarren minutuan falta bat atera ondoren, epaileak penaltia adierazi zuelako zurigorrien alde. Amurrioko atezainak asmatu eta kornerrera bidali zuen, beraz, etxekoek partiduaren norabidea aldatzeko aukera ederra galdu zuten.
Hauek, hala ere, bizitasun handiz jarraitu eta lan handia eginez Amurrioko taldea oso deseroso egotea lortu egin zuten.
Ordu erdia pasatuta, kanpokoen erasozko jokaldi bakarrean, Jon Patiño laudiarra gola egin zion bere talde oihari, hauen impotentzia sortuz.
Bigarren zatia hasi bezain laster, epaileak zalantzazko penaltia adierazi zuen Amurrioren alde, eta beste laudiar batek (Eneko Banderas) markagailuan bigarrena ipini zuen.
Momentu hortan partidua hoztu eta Ibon Cuarteroren jokalariak gaindituak ikusi ziren Amurrio lasai eta ziur batengatik. Azkenengo minutuetan epaileak Laudioko bi jokalari kaleratu eta beste hainbat txartel hori erakutsi zituen, batere beharrezko gauza, norgehiagokaren normaltasuna ikusita.
Orokorrean, zelai kanpoan zein barruan neurketa polita bizi izan genuen, zaleen eta jokalarien keinu itsusirik gabe. Klasifikazioari dagokionez, Javi Peredaren lagunek lehenengo postua indarrez mantendu eta Laudiok zortzigarreneko postura jaitsi da.