Gau perfektua ostiralean Ellakurin. Beste bat. Talde zuri-gorria denboraldi honetan garaipenetara eta aspaldian bezala gozatzera ohitzen ari da. Laudio Iru-Bat aurkari zuzenaren gainetik pasa zen, eta 4-1eko markagailuarekin goleatu zuen. Lehen zatia etxekoen nagusitasunaren erakustaldi argia izan zen, baina korner baten irteeran Anton Artetxeren gol bakarrarekin bakarrik koroatu zen. Bigarren zatian Javi Urrutiaren mutilek edozertarako gai direla erakutsi zuten eta hiru minututan bi gol sartu zituzten. Luzapenen ostean, Urtzi Isusik festa borobildu zuen laugarren gola sartuz. Orain arte Laudiok 11 partida jokatu ditu Ellakurin, 9 garaipen eta berdinketa bat eskuratuz eta porrot bakarra izanez Alaves C-ren aurka, 2-3ko emaitzarekin. Bidaia zoragarri honen hurrengo geldialdiak Marianisten zelai zailera eramango du Laudio.
FITXA TEKNIKOA
LAUDIO: Joan Costa, Jon Marquinez, Sebas Mejia (Unai Fernández, 67. minutua), Anton Artetxe, Oiher Egiguren, Unai Camino (Mikel Morales, 79. minutua), Andoni Gonzalez (Urtzi Isusi, 65. minutua), Oscar Ruiz (Oihan Lili, 75. minutua), Adrian Álvarez, Alejandro Casquero eta Roberto Extremiana (Unai Argote, 63. minutua).
IRU-BAT SANTA LUZIA: Aitor Ruiz de Eguilaz, Josu Ircio (Egoitz Fernández de Luco, 65. minutua), Mikel Valenzuela, Asier Domínguez (Mikel Pablos, 45. minutua), Yeray Viana, Marcos Vinicius (Alexandru Bodiu, 72. minutua), Aitor Aguillo (Iker Martínez, 45. minutua), Omar Dampha, Joao Nunes, Ibai Ruiz de Azua eta Jon Ander Burgos (Mikel García, 80. minutua).
ARBITROA: Javier Marrón Rodriguez, Josu Larrechi Castillo eta Mohamed El Heloui Ouladek lagunduta. Txartel horiarekin zigortu zituen Sebas Mejia eta Unai Fernandez.
GOLAK: 1-0: Anton Artetxe, 37. minutua 2-0: Andoni Gonzalez 57. minutua 3-0: Roberto Extremiana, 60. minutua 3-1: Alexandru Bodiu, 81. minutua 4-1: Urtzi Isusi, 92. minutua.