[IRITZIA] Umeen jokoak, joko erotikoak?

Erabiltzailearen aurpegia
Argazkia: Aiaraldea.eus

"Jakin-mina sexuala" edo "umeen joko erotikoak" entzun eta, horrekiko azalpena sexu heziketa egiten dugunon partetik entzun ordez, debekua, salaketa eta mehatxua erabiltzen dute batzuek.

Dena den, ez diet erru osoa botako mugimendu ultraeskuindarrei, arazoa betikoa baita: eragile askok hartu dute parte sexualitatearen aurkako kanpaina honetan. Sexualitatearekin zerikusia daukan oro historikoki ez da aintzat hartu, begirada oso murritz batetik hartu delako.

Sexualitatea giza dimentsioa da, emakume eta gizon guztiek dugun ezaugarria, alegia, norberak bere burua adierazteko modua, bakarra eta errepikaezina dena.

Eredu heteronormatibo eta koitozentristek, familia eredu bakarrek, mito, estereotipo eta bestelako ezjakintasunek beldurra sortzen dute, eta beldurrak, aldi berean, errefusa sortzen du. Ezberdinaren beldur eta errefusa. Baina ez al gara, guztiok, ezberdinak? Jakina.

Erotika esaten dugunean, lotune, erakargarritasun, preferentziei buruz ari gara. Erotika hitzak jakin-min horren portaera edo jarrera dakar, jakin-min horren adierazpena, alegia, zuzena eta ikus daitekeena.

Umeek euren gorputzak eta besteenak begiratzen eta ukitzen dituzte, horrekiko jakin-mina daukatelako, antzekotasunak eta ezberdintasunak bilatu nahian. Denok egin dugu hori.

Helduon erotikak bestearekiko desira dakar bere baitan, baina umeen jakin-mina eta jokoak ezin ditugu helduon begiradatik ikusi. Helduon imajinariotik atera behar ditugu umeen kontuak.

Sexualitatea ez dira genitalak ezta genitalekin egiten ditugun gauzak, baizik eta nor garen. Hori deskubritzeko egiten da sexu heziketa.

Norbera ezagutu, onartu eta era positiboan adieraztea dira sexu heziketaren helburuak, besteen gorputzak, moduak eta bizipenak aniztasunetik ikusi, mugak eta garapen sexual osasuntsua eta abusuen prebentzioa sustatzen.

Horretarako umeen adinetara egokituta dauden metodologiak erabiltzen ditugu. Ezinbestekoa da sexu heziketa. Begira dezagun heziketa jasotzen dutenen ikuspuntutik.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide