Laudioko hiltegiaren afera dela eta, alkatea den Ander Añibarrok “demagogiarik ez egiteko”, eta “egoerari ikuspegi eraikitzailetik erantzuteko, ez suntsitzailetik” eskatzen dio EH bilduri. Eta bere iritzia bidezkotzeko hurrengo argudio hau erabiltzen du: Jon Karla Menoiok 2010-2011n egin zituela azken obrak.
EH Bilduri demogogia egitea leporatzen diona, ...gezurretan!!!
Ikus ditzagun geroztik emandako pausu batzuk, EH Bildu udal gobernuan egon den bitartean: gutxienez 254.900 euroko inbertsioa egin da, horietako 161.000 2012an. Ganadu ekologikoa ere sakrifikatzeko gaitasuna lortu zen. 2018ko otsailean Udaletxeak (EH Bildu udal gobernuan) kontratatu eta esleitu zuen proiektu baten erredakzioa tratamendu eta isurketarako instalazioak egokitzeko
Behin-behineko itxiera agindu baino egun gutxi lehenago, Osoko Bilkurak 140.000 euroko partidua ere adostu zuen hiltegiak behar dituen egokitzapenei ekiteko.
Laudioko hiltegian isurketen arazoa konpontzeko eginbeharrak martxan zeuden: arazoa aztertuta; behin behineko konponbidea zehaztuta, aste gutxiren buruan funtzionatzen egoteko; behin betiko soluzioa ere zehaztuta zegoen; behar den gastua erabakita… Konponbidea bideratuta zegoenean, eta pertsona bakar baten denuntzia aitzakia hartuta, instituzio batzuk lerrokatu dira bat bestearen atzetik hiltegia behin-behineko itxiera (behin-behinekoa?) gerta dadin.
Hiru izan dira afera honetan parte hartu duten instituzioak: URA, Eusko Jaurlaritzako Segurtasun Saila eta Laudioko Udal Gobernuak; hirurak EAJ-PNVk edota PSE-PSOEk zuzenduta. Kasualitatea? Bere burua zuritzeko datu kutsatuak erabiltzen dituenak salaketa-egileari demagogoa!
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
