2021ean zehar Udal Gobernuak gerakinetik 468.500€ aurrekontuetara gehitu eta partida batzuetatik besteetara 77.857€ mugitu ditu hainbat proiektu eta inbertsio aurrera eramateko. Abenduaren 22an, 2022ko aurrekontuak onartzeko ez-ohiko udal osoko bilkuran, EH Bildu Orozkoko Udal Talde Politikoak proiektu hauek gauzatu diren ala ez galdetu zuen, eta alkateak gauza batzuk ez direla egingo, eta hori urtarrilean dagokion batzordean azalduko zela adierazi zuen.
2022ko otsailaren 2ko Ogasun, Etxebizitza, Auzo eta Herritarren Partaidetzarako batzordean udal osoko bilkuran esandakoa bete ez eta ez da eskatutako informazioa eman. Honen aurrean, otsailaren 8ko udal osoko bilkuran EH Bildu Orozkoko Udal Talde Politikoak berriro galdetu du gaiaren inguruan eta ez da erantzunik eman.
Egindako galderei erantzuteko nahikoa denbora igaro dela ekontuan hartuta, EH Bildu Orozko Udal Talde Politikoak 2021ean aurrera eraman ez diren proiektuen inguruko informazioa eman eta honen zergatia azaltzeko eskaera erregistratu du. Bestalde, 2019tik umeentzako parkeak eta korelesterolaren bidea berritzea, autokarabanentzako lekua egitea, grada azpiko aldakelak egokitzea, edota plazako frontoiaren estaltzea egin gabe jarraitzen du Orozkoko Udalak. Honen inguruan ere argipenak ematea eskatu du EH Bilduk.
EH Bilduk informazio hori jada eskuragarri egon beharko lukeela eta hori Adieren gardentasun faltaren seinale argia dela adierazi du.