Tubacexen gauzatzear diren kaleratzeak bertan behera uzteko eskatu dio ELAk zuzendaritzari

Erabiltzailearen aurpegia

Tubacexeko zuzendaritzak iragarritako kaleratzeak gauzatu nahi dituen astean, ELAk esan du borroka eta greba direla Laudioko eta Amurrioko lantegietan lanpostuak eta lan-baldintzak ez suntsitzeko bide bakarra. Ildo horretan, sindikatuak zoriondu egin ditu langileak euren borroka eredugarriagatik, erreferente bihurtzen ari baitira, bai Euskal Herrian, bai gure mugetatik kanpo. ELAk kritikatu du Eusko Jaurlaritzak Tubacexeko langileekin duen sentsibilitate eta enpatia falta, eta gatazka honetan duen erantzukizuna azpimarratu du.

Halaber, zuzendaritzari eta administrazio Kontseiluari atzera egiteko eskatu die. "Ez dugu onartzen zuzendaritzari eta Administrazio Kontseiluari dagozkien erabakiekin zerikusirik ez duten langileek euren akatsengatik ordaintzea", adierazi du sindikatuak.

ELAk balioa eman die multinazional zikoitz bati aurre egiten ari zaion plantillaren konpromisoari, elkartasunari eta sindikalizazio indartsuari; izan ere, multinazional horrek produkzio-prozesua deslokalizatu nahi du, onura handiagoak lortzeko, hain justu onura horiek sortzeko oinarrizkoak izan diren langileak zigortuz eta pobretuz. Gainera, Eusko Jaurlaritzaren isiltasun konplizea kritikatu du; izan ere, erantzun bakarra Ertzaintzaren neurrigabeko erabilera da, eta Tubacexeko zuzendaritzaren zerbitzura jarri du.

Azkenik, ELAk nabarmendu du Tubacexen kaleratzeen aurka borroka juridikoa egingo duela, greba eta deitutako mobilizazioen osagarri. Hurrengo mobilizazioa, ostiral honetan, Gasteizko Legebiltzarraren aurrean izango da.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide