1889 eta 1893. urte bitartean eraiki zuten San Martin hilerriaren erdialdean, Urquijo bigarren markesaren ezkon-neba Francisco Mendoza y Cubas arkitekto madrildarrak egin zuen diseinua. Laudion beste lan garrantzitsuak ere utzi zituen: udaletxea, Done Petriren burdinazko aterpea, Lamuza jauretxearen zenbait handitze lanak edota Erroke Deunaren kapera, adibidez.
Garaiko Erdi Aro berriko estilo eredu bitxia da; gurutze latindarraren oina du, arbelezko estalki, pinakulu, kanpai-horma eta oin karratuko zinborioarekin.
Bestalde, elementu eklektiko ugari eta interesgarriak ditu ikusgai fatxadetan: aurreko aldeko portada eta bao erromaniko berriak, arrosa-lehioa, sendiaren armarria duen burdinazko ate eta nabar landua edota Biarritz-ko Maumejean Etxeko beirate bikainak.
Egun nahiko hondatua dagoen barruko aldean lehenengo eta hirugarren markesen hilobiak barne hartzen dituen aldare handientsua kokatzen da. Alboetan etxeko beste kideen hilobiak banatzen dira. Duela gutxi beren zenbait estalki berriztatu dituzte.