[IRITZIA] Aiaraldeko Soinu Sistemak sei urte

Erabiltzailearen aurpegia Ekaitz Urretxu 2019ko aza. 1a, 07:00
Aiaraldeko Soinu Sistemako kideak, artxibo irudi batean.

6 urte pasatu dira dagoeneko Aiaraldeko burugabe-talde bat modurik espontaneoenean batu eta soinu sistema bat eraikitzeko erabakia hartu genuenetik. Egia esateko, ez genuke inoiz pentsatuko gaur egun bizi dugun momentura iritsiko ginenik, ezta soinu ekipo bati bizitza emateko gauza izango ginenik ere! Bi kontu, aldiz, oso argi genituen: Aiaraldean esperientzia musikal berri bat sortu nahi genuela eta esperientzia hori autogestioan oinarrituta sortuko genuela. Eta horrela egin genuen.

Asko izan dira urte hauetan egin ditugun lagunak, eta asko ere geureganatu dugun ezagutza. Esperientzia benetan aberasgarria izan da guretzat eta horregatik milioi bat esker eman nahi dizkiegu hau guztia aurrera ateratzen lagundu diguten lagun eta gazte asanbladei.

Gure ibilbidea apur bat jarraitu duen edozeinek jakingo du zenbateko garrantzia duen guretzat Laudioko Gaztetxeak. Bertan hartu zen proiektu hau abiatzeko erabakia eta, hein handi batean, toki hau inguratzen duen guztiari esker eraiki ahal izan dugu gure soinu ekipoa.

Orain, baina, aro berri bat hasten du Aiaraldeko Soinu Sistemak. Izan ere, hemendik aurrerako jaialdi gehienak Bilboko Mytho dantzalekuan egingo ditugu, baita azaroaren 15ean ospatuko dugun VI. urteurren jaia ere.

Bertan ikusiko gara!

Iritzia

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide