Hirua

Erabiltzailearen aurpegia

Animalien aldeko elkartea sortu dugu Artziniegan. Facebooken herrian kaleko katuekin dugun arazoari buruz hitz egiten geundela, elkarte bat sortu edo eratuta zegoen batean laguntzea erabaki eta horretarako batzar bat antolatu genuen.

Elkarte bat sortzea erabaki genuen bertan, jendeak herriko gauza bat bezala ikusteko, gehiago lagundu eta parte hartzera animatzeko.

Horretarako, Amurrioko IMVA zentroko albaitaria den José Luis del Valle Duqueren laguntza jasotzen dugu, elkarteko kidea baita. Horrez gain, herriko jende askok dirua edo pentsua eman digu izan ditugun txakurrak eta katuak elikatzeko.

Elkartea, etxerik gabe dauden katu eta txakurrei familia bat aurkitzeko sortu genuen eta bide horretan gaudela, kanpaina berria sortu dugu: txakurkumeak edo katutxoak dituzten familiei laguntza ematen diegu animali horiek etxe berria aurki dezaten. Era honetan, animaliak nahi dituzten herritarrak abereak dituzten pertsonekin harremanetan jartzen dira. Gurekin kontaktuan jartzeko, bide asko ditugu: sakelakoa (660225997), Facebook kontua (Hirua Artziniega) eta emaila (hiruaanimales@gmail.com). Blog bat ere badaukagu, ditugun animalien berri emateko, haien etxe bilaketa ahalik eta lasterrena izan dadin: hirua-animales.blogspot.com.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide