Festarik gabeko urte hauen ondoren, edozein amurriarrek bezala, gogo handiz hartuko ditugu egun hauek.
Euskotarrak kuadrillatik jendea animatu nahi dugu datozen egunetan egingo diren ekitaldietan parte hartzera. Jai indartsuak izateko, oso garrantzitsua da rol aktiboa izatea, gure esku dago ondo pasatzea. Askotan, batzuek ez dakite nola parte hartu edo nola lagundu kuadrillari. Baina, edozein zalantza izanez gero, gurekin harremanetan jar daitezke gure sare sozialen bidez edo karrozak egiten diren tokira bertaratuta.
Jende guztiak du lekua festetan, txikienetatik hasi eta zaharrenetaraino. Urteko une honetan, adin desberdinetako pertsonak elkartzen gara, eta lotura asko sortzen ditugu gure artean.
Aurten egitarau betea dugu, jende guztiarentzako ekitaldi ugarirekin eta jai herrikoien egitarau oparoarekin
Oso garrantzitsua da ekitaldi guztietara bertaratu eta parte hartzea: koadrilen aurkezpenean, txupinazoan, kuadrillako bazkarian, zurrakapotean, kalejiretan, kuadrillen jolasetan, trikipoteoetan... eta beste hainbat jardueretan.
Karrozetan parte hartzera ere animatzen dugu bereziki, mende erdi baino gehiagoko tradizioaren ondoren, kuadrillok ilusio eta ahalegin handiz egiten jarraitzen baititugu, guztiok gozatu dezagun desfilearen egunean. Kuadrillarik gabe jaiak ez lirateke ezagutzen ditugun moduan izango.
Gora Amurrioko Jaiak!