[IRITZIA] Sutara

Erabiltzailearen aurpegia
Lezeagako sorginaren erreketaren irudi bat. / Aiaraldea.eus

Albiste bitxi bat jaso genuen lehengo egunean: Laudioko Aratusteen amaieran ez da Lezeagako sorginaren panpina erreko eta, aitzitik, gorazarre egingo zaie sorgin izatearen akusazioaz Inkisizioak justiziatutako eta eraildako emakumeei. “Emakumeekiko zigorra” “gorazarre” bilakatu nahi da, sorgin haiek “garai bateko feministak” izan zirelako.

Hor, nonbait, galdu gara eta zaku emozional berean sartu ditugu nahasi ezin daitezkeen kontzeptuak.

Aratuste guztiak, izatez, purifikazio erritualak dira, neguari amaiera eta udaberriari bizitasuna ematekoak. Horretarako txarkeria, gaitza... zerbaiten irudikatzen da, gerora, eliminatzeko. Horrela errazten zaio bidea zori onari, emankortasunari eta oparotasunari.

Hori da, funtsean, gure jaiaren amaieran dagoena eta ez du zerikusirik Inkisizioak pertsonak epaitu eta sutan erailtzearekin edo, kasualitate hutsa ez bada, emakumeekin. Ez dut uste inork ausartuko denik irizpide hori berori estrapolatzen gure Aratusteetako hartz, oilar, Miel Oxin, Markitos, porreroak... bezalako pertsonaien amaieretara.

Lezeagako sorgina —izatez lamina bat da, gainera— gure aratusteen ikono modernoa da. Beraz, ez litzateke arazorik egon beharko nahi den moduan erabiltzeko edo eszenifikazioa gura adinean aldatzeko. Baina ez ditzagun horretarako gure ondare kulturalaren kontzeptu sendoak erabil.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide