aiaraldea.eus

V. Artziniega Ibilaldia

Erabiltzailearen aurpegia Ganzorrotz Mendi Kirol Elkartea   Kirola

Martxoaren 2an, domeka, Artziniegako mendi-ibilaldiaren “Yarri memoriala” V. edizioa egingo dugu.

Urtero lez, bi ibilbide prestatu ditugu Artziniegako mendietan barrena: luzeak 26 km izango ditu eta mendizaleek Peñalba, Otsati eta Zaballa mendien tontorrak zapalduko dituzte, handik Artziniegara itzultzeko; laburrak berriz 12 km izango ditu eta Soxoguti herritik pasatuz Zaballa mendira joango da, Berrones auzoan ibilaldi luzearen ibilbidearekin bat egingo du bertan. Jatekoa eta edatekoa egongo da ibilbide luzean, bai eta amaieran frontoian guzti-guztientzat.

Ibilaldi luzea 8:00etan abiatuko da Artziniegako frontoitik, eta laburra ordu eta erdi geroago, 9:30ean. Izena eman daiteke webgunearen bidez otsailaren 27ra arte eta egunean bertan 7:00etatik 7:45era MARTXA LUZERAKO eta 8:30etik 9:15era MARTXA LABURRERAKO.

 

Informazio guztia gure web gunean jaso dezakezue, bai eta izena eman ere (dohainik).

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa