Baserritar eta auzokideen eskaerari erantzunez, Laudio Udalak partzialki konpondu eta egokituko ditu Beldui, Dubiriz, Orueta, Saldarriaga eta Sugesusera doazen errepideak.
Koldo Zabala zinegotziak adierazitakoaren arabera, konponketa eta egokitzapen lanek ez dituzte landa-bide hauek guztiz konponduko, "inbertsio ekonomiko handia beharko litzateke, eta gaur gaurkoz Udalak ez du lan horiek bakarka gauzatzeko baliabide ekonomikorik". Irailean hasiko diren konponketa lanen bitartez errepide hauetan dauden arazo larrienak konpondu nahi ditu. Guztira 59.978,50 euro inbertituko ditu Udalak obra-lan hauetan.
Zehazki, Belduira doan errepidearen zati bat (170 metro) garbituko da, ura behar bezala drainatzeko lanak egingo dira eta ibilgailuen gurutzaketa ahalbidetzeko puntuak prestatuko dira. Saldarriagaren kasuan, obra-lanak errepidea zabalago egitera bideratuko dira, 6 metrora arte hain zuzen ere. Sugesun bide-bazterrak garbituko dira eta bide-zoruan dauden zuloak konponduko dira.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
