Aurten Bigarren B mailara igotzea helburu duten bi taldeen arteko norgehiagoka berdinketan amaitu zen igandean, Portugalete 2 - Laudio 2. Partidaren bigarren zatian iritsi ziren golak, lehenengo zatian bi taldeak parekatuta ibili ondoren.
Markagailua azken bi denboraldiak Laudion jokatu izan duen Alain Yartuk ireki zuen, 60. minutuan. Bost minutu beranduago Germán Beltránek berdinketa eskuratu zuen laudioarrentzat, baina etxekoek jarraian hartu zioten aurre berriz ere; Ander Vitoriaren gola 71. minutuan iritsi baitzen. Laudioarrak ez ziren atzean geratu eta Tyson-en eskutik iritsi zen berdinketa, 75. minutuan.
Gauzak horrela, Ligako lehen bi jardunaldiak berdinketarekin amaitu ditu talde laudioarrak (Ellakurin Lagun Onak-en aurka 0-0 bukatu baitzuen), eta 10. postuan dago sailkapen nagusian. Leioako taldea da sailkapeneko buru, guztira 6 punturekin.
Hurrengo jardunaldia etxean jokatuko dute laudioarrek, Gernikaren aurka hain zuzen ere. Partidua igandean izango da, 17:30ean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
