Udal Antzokiaren proiektua dela eta sortutako zurrumurruen inguruan, Laudioko EAJ-PNVk honako hau azaldu nahi dugu:
1BILDUren gobernu taldeak, ez die Laudioko Udalaren alboan udal antzoki bat eraikitzeko proiektua gainontzeko talde politikoei formalki azaldu. Egun, ez da inolako agiri tekniko- juridikorik honen inguruan eta horrenbestez ez da gaiaren inguruko eztabaida politikorik sortu.
2Zentsu honetan, eztabaida interesatu baten aurrean aurkitzen gara, momentuz, inolako funtsik gabea eta BILDUk eragindako marketing eta propaganda estrategia bati erantzuten diona.
3EAJ-PNVk BILDUren gobernu taldeak agertutako jokabidea salatzen dugu, izan ere 2012ko ekainaren 26an talde kulturalekin batzar informatiboa izan zutela jakin izan dugu, talde politikoei GONBIDATU BARIK, gainera. Hori dela eta, Jaien inguruko lehen asanblada “irekietara” gonbidatu ez ziguten bezala, orain ere jokabide hau publikoki salatzen dugu .
4Laudioko EAJ-PNVren ustez, Laudiok Udal Antzoki bat behar du, gure herriaren garapenerako oinarrizko eta funtsezko eta berehala burutu beharreko proiektu bat den neurrian.
5Hala eta guztiz ere, tankera honetako proiektuei zorroztasun eta adostasun osoz aurre egin behar zaie, inprobisazioa eta interes partidista garbia duten alferrikako eztabaidak saihestuz.
Maiatzaren 25ean aurkeztu zuen jendaurrean Bildu koalizioak udal-antzoki berri bat eraikitzeko proposamena. Aldai plazan (Udaletxeko eraikinaren ondoan) kokatuko litzatekeen proiektuak polemika piztu du Udalean ordezkaritza poltiko handiena duten bi taldeen artean.
EAJk prentsara igorritako oharrean adierazi du Bilduk ez diela gainontzeko alderdi poltikoei proposamena "formalki azaldu". Jeltzaleek adierazi dutenez, "egun, ez da inolako agiri tekniko- juridikorik honen inguruan eta horrenbestez ez da gaiaren inguruko eztabaida politikorik sortu". Proiektuaren aurkezpena "BILDUk eragindako marketing eta propaganda estrategia bati erantzuten" diola adierazi dute.
"EAJ-PNVk BILDUren gobernu taldeak agertutako jokabidea" salatu du , "izan ere 2012ko ekainaren 26an talde kulturalekin batzar informatiboa izan zutela jakin izan dugu" eta azaldu dutenez, gainontzeko talde politikoek ez dute aurkezpen honetan parte hartzeko gonbidapenik jaso. EAJk udal-antzokiaren beharra azpimarratu du igorritako oharrean, "gure herriaren garapenerako oinarrizko eta funtsezko eta berehala burutu beharreko proiektu bat den neurrian".
Azkenik, tankera honetako proiektuei zorroztasun eta adostasun osoz aurre egin behar zaiela adierazi du oposizioko talde nagusiak, "inprobisazioa eta interes partidista garbia duten alferrikako eztabaidak saihestuz".
Bilduk gezurtatu egin ditu EAJren zenbait adierazpen
Gobernu taldeak ostiralero eskaintzen duen prentsaurrean, Koldo Zabalak adierazi du gezurra dela talde politikoi proposamena aurkeztu ez zaiela. Aldai plazan udal-antzokia eraikitzeko proiektua "lehen-lehenik talde politikoei aurkeztu zitzaien, prentsari gero, eta talde kultural guztiei ondoren".
Gai honekin gardentasun osoz jokatu dutela adierazi du alkateordeak, eta proposamenak ez badu behar besteko babesik lortzen alderdi eta elkarteen artean, baztertu egingo dutela.
Era berean Zabalak adierazi du ekainaren 26an herriko kultur taldeei eskainitako aurkezpenean "partaidetza handia izan zela, kopuru aldetik eta galdera zein ekarpenen aldetik".
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
