Topagunea Euskara Elkarteen Federazioko bazkide diren 19 hedabidek eta Topaguneak berak TOKIKOM enpresa sortu berri dute. Enpresaren eratze ekitaldia larunbatean Eskoriatzako HUHEZI fakultatean egin zen. 19 hedabide hauen artean aurkitzen da www.aiaraldea.com web-gunea kudeatzen duen Aiaraldea Komunikazio Leihoa elkartea. Tokikom enpresaren eraketak tokiko hedabideek 2009an hasitako bideari jarraipena ematen dio eta tokiko hedabideen etorkizuna elkarlanean diseinatzeko tresna izateko helburua du.
Komunikabideen sektorea garai zailak bizitzen ari den honetan, Eskoriatzan bildutako hedabideek 3 eginkizun nagusi egotzi dizkiote enpresa berriari: Alde batetik elkarlanerako esparru komunak eraiki eta kudeatzea; publizitatea, ekoizpena, teknologia, trebakuntza, barne komunikazioa... Bestetik solaskidetza sendoa lortzea euskarazko hedabideen sektorearekin eta erakundeen aurrean. Eta azkenik toki hedabideen balizko integrazioaren diseinua proposatzea eta horren inguruko adostasuna eraikitzea.
Mugimendu honekin, tokiko hedabideek, barne kohesioa lantzeaz gainera, Euskal Herri mailan zirriborratzen hasi den euskal hedabideen arteko elkarlana ere erraztu nahi dute, foro horretara ere ahots bateratua ekarriz.
Gainera, TOKIKOMek maila goreneko gogoeta prozesua ere abiatu nahi du. Hedabideok helburu baino, tresna gisa ulertuta, funtsezko galdera bati erantzun nahi dio sozietate eratu berriak: Zer nolako egitura komunikatiboa behar du euskal hiztun komunitateak mundu globalean komunitate gisa bizirauteko?
Aiaraldea Komunikazio Leihoa eta beste 18 komunikabide
Ekimenak oso harrera ona izan du hedabideen artean, hala Topagunea Federazioan daudenen artean nola Topagunetik kanpokoetan. Larunbatean Eskoriatzan egindako ekitaldian 19 tokiko komunikabide kudeatzen dituzten beste hainbeste elkartek bat egin zuten ekimenarekin, baina aurrerantzean ere ateak zabalik egongo dira gerora ere gerturatu nahi dutenentzat.
Tokikom enpresa berriaren bazkide dira ondoren zerrendatzen diren tokiko komunikabideak:
Elkartea |
Papera |
Irratia |
TB |
www |
|
Totoan (Txorierri, Biz.) |
Aikor |
|
|
www.aikor.com |
|
M. Larramendi (Andoain, Gip.) |
Aiurri astekaria |
|
|
|
|
Aiurri hamaboskaria |
|
|
||
|
DHK (Durangaldea, Biz.) |
Anboto |
|
|
www.anboto.org |
|
Pausumedia (Behe Bidasoa, Gip. /Lap.) |
|
Antxeta Irratia |
|
www.antxetairratia.com |
|
Goiena (Debagoiena, Gip.) |
Goiena papera, Asteleheneko Goiena |
Arrasate Irratia |
Goiena Telebista |
www.goiena.net |
|
Baleike (Zumaia, Gip.) |
Baleike |
|
|
www.baleike.com |
|
BLB (Bilbo, Bizk.) |
Berton |
|
|
|
|
Prest |
|
|
|
|
|
Elgoibarko izarra (Elgoibar, Gip.) |
Barren |
|
|
www.elgoibarren.net |
|
Bierrik Fundazioa (Sakana, Naf.) |
Guaixe |
Beleixe irratia |
|
www.guaixe.net |
|
Galtzaundi (Tolosa, Gip.) |
Galtzaundi |
|
|
www.galtzaundi.com |
|
Dobera |
Hernaniko Kronika |
|
|
www.kronika.net |
|
Mailope (Araitz-Betelu, Larraun, Lekunberri, Naf.) |
Mailope |
|
|
|
|
Noaua (Usrubil, Gip.) |
Noaua |
|
|
www.noaua.com |
|
Pil-Pilean (Soraluze, Gip.) |
Pil-Pilean |
|
|
www.plaentxia.com |
|
Ttakun (Lasarte, Gip.) |
Txintxarri |
|
|
|
|
Bizarra Lepoan (Uribe Kosta, Biz.) |
UK |
|
|
www.aldizkaria.biz |
|
Ukberri.net (Uribe-Kosta, Biz.) |
|
|
|
www.ukberri.net |
|
Uztarria (Azpeitia, Gip) |
Uztarria |
|
|
|
|
Aiaraldea.com |
|
|
|