Asteburu honetan, zehatz-mehatz ostiralean, Koikili Lertxundi, Athletic-eko jokalaria dena eta Igor Anton ( Euskaltel Euskadiko txirrindularia) izango ditugu gure artean. Kirola eta euskararen inguruko hitzaldi bat emango dute Arespalditzan.
Euskararen erabileraren garrantzia haur eta gazteei helaraztea eta, horrez gain, gai honetaz kontzientzia hartzea da solasaldi honen helburua.. Hitzaldia otsailaren 24an emango dute. Udaletxeko aretoa erabiliko dute horretarako arratsaldeko 19:30tatik aurrera.
Beraz, kirolzaleak eta euskaldunak bazarete, hurbildu ostiralean Arespalditzara eta gozatu kirolariek esaten dutenaz.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
