Ostirala hilak 20 eta larunbata, hilak 21, Okondoko San Sebastianen izenean eraikitako baselizan izango da festa.
Urtero legez, Urtarrilaren 20a iristen denean Okondar guztiak eta baita inguruko herrietakoak ere Otaola auzoan dagoen San Sebastianen baselizara igotzen dira egun handia ospatzera. Santuaren egunean eta baita hurrengo egunean ere igotzen da, izan ere, ostiralean eta baita larunbatean ere, eguerdiko 12:30etan meza santua ospatuko da. Horretaz gainera, giro bikaina izaten da mendian. Trikitilari, musikari eta jakina, ermitaren ondoan piztuko diren su txoko beroak, ogia eta baita bazkari eta edariak eramaten dituzten hainbat herritarrek gozotu egingo dute eguna. Goizean goizetik, mendialdera igo eta iritsi bezain pronto kanpaia jotzea da ohitura, ondoren hamarretako gozoa jan, indarrak hartu eta aspaldiko lagunekin tertulia egiteko aukeraz gozatzen da. Meza 12:30etan ospatuko da eta ondoren jaiak bizirik eta martxan dirau arratsalde partera arte. Jaisteko orduan, aspaldidanik ohitura bilakatu da eukalipto zuhaitz bat moztu eta herriko tabernetara joatean berarekin barruraino sartzea. Egunaren bukaeran, motozerrarekin zuhaitza txikitu eta taberna batean uzten da beheko suan erabili ahal izateko. Jaiarekin urte-urte aurrera jarraitu ahal izateko zozketa bat egiten da horrela, jasotako diruarekin jaiaren gastuei aurre egiteko laguntza jasotzen da.
Ostirala hilak 20 eta larunbata, hilak 21, Okondoko San Sebastianen izenean eraikitako baselizan izango da festa.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide