Aiaraldeko lagunekin batera asteburu pasa ederra egiteko aukera izango duzu abenduaren 16tik 18ra. Tologorriren magalean, bideoak grabatu, blogak sortu... eta multimediaren munduko jarduerekin ikasi eta gozatzeko aukera izango duzu. Jolasak, tailerrak eta multimedia ekintzak izango dira protagonistak. Eta horretarako, bideogile eta begirale talde jatorra izango duzue zain, noski!!
Lur hauetako 14-17 urte bitarteko gazteei zuzendutako asteburu pasa izango da abenduaren 16tik 18rakoa. Ostiral arratsaldean hasi eta igande bazkal ostera arte luzatuko da. Treneko bidaia egingo dugu Arrankudiagatik Urduñara arteko geltokietan batuz, eta itzulera berdin- berdin.
Asteburuko egonaldirako,ordea, izen ematean garaiz ibili beharko zarete denak. Ez da denontzako lekurik izango eta! Beraz, horretarako ondorengo helbidean bete beharko duzue izen emateko formularioa: ume.aiaraldea.com
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
