Bilboko Errekalde auzoko Kukutza III gaztetxea hustu eta eraisteko agindua dela eta, atzo istilu ugari gertatu ziren hiri guztian. Poliziak dozenaka lagun zauritu eta atxilotu zituen. Atxilotuen arteko gutxienez hiru laudioarrak dira.
Atxilotutako pertsonetako baten senideek adierazi digutenaren arabera, goizaldeko bostetan izan ziren hiru gazteak atxilotuak. Oraindik ere leporatzen dizkieten delituak zehatz mehatz zeintzuk diren ez dakigun arren, arratsaldeko lauretan eramango dituzte epailearen aurrera, orduan argituko da zein egoeratan geratzen diren atxilotutako hiru laudioarrak. Senideek jakin ahal izan dute hiru gazteak "ondo" daudela.
Asanblada informatiboa eta konzentrazioa gaur arratsaldean
Atxiloketak eta gaztetxearen eraisketa salatzeko, asanblada informatiboa eta elkarretaratzea deitu da arratsaldeko zortziretarako "erasoen gainetik, gazteria aurrera" lemapean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
