Amurrioko udala goizeko 9:30etan osatuta geratu da. Lehenengo bozketan EAJko 7 zinegotziek euren hautagaiaren aldeko bozka eman dute; Bilduko beste 7 zinegotziak abstenitu egin dira, eta PPko bi zinegotziek eta PSEko besteak euren burua bozkatu dute; hautagietako batek ere ez du lortu beharrezkoa zen gehiengo osoriki, eta beraz zerrenda bozkatueneko hautagaia izendatu dute alkate; Josune Irabien Marigorta EAJko hautagaia hain zuzen ere.
Aiara udalerrian ostera, Josu Artetxe Bilduko hautagaia izendatu dute alkate berri; talde politiko guztiek euren hautagaien alde bozkatu dute, eta beraz, Amurrioko kasuan bezala, zerrendarik bozkatueneko hautagaia izendatu dute alkate.
Laudio eta Arrankudiagako Udalak 11etan osatuko dira, informazio berria izan ahala eguneratuko dugu albiste honetako informazioa.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
