Ez da Xabier Montoia hizpide dugun lehenengo aldia. Duela hilabete batzuk, Golgota nobela ekarri genuen kultur leiho honetara. Montoia, ordea, ipuingile gisa nabarmendu da, eta, horregatik ezin nuen 10 ipuinez osatutako obra honetaz hitz egiteko aukera galdu.
Fucking artists haren azken lana da, baina Montoiak ibilbide luzea egin du idazle gisa, eta ipuin-bilduma gogoangarriak utzi dizkigu, besteak beste: Gasteizko hondartzak (1997koa) edo Euskal Hiria sutan (2006).
Obra honetan, esan bezala, 10 ipuin aurkituko ditu irakurleak. Barneraino sartzen zaizkigun 10 labankada dira, gure gizartearen miserien 10 erradiografia. Ipuinotan ez dago zoriontasunaren edo itxaropenaren arrastorik. Egungo mundua ankerra da, eta ilusioen eta ustezko arrakasten atzean ezkutatzen diren miseriak azaleratzen dira kontakizun ezin ilunago hauetan. Askotariko gaiak jorratzen ditu: familiako sekretuak, harremanen endekatzea, mitoen erorketa, betiko galtzaileen samina, ustezko irabazleen porrota... Ipuinok hainbat garai eta lekutan kokatuta egonik ere, tonu mingotsaz zipriztinduta daude denak, eta tonu hori da, hain zuzen, ipuin-sortari nolabaiteko batasuna ematen dion elementua. Gainera, badute beste zerbait komunean: protagonistak galtzaileak dira. Xabier Mendiguren editorearen hitzak gure eginez, “ametsa ukitu dute hatz puntarekin, baina hortxe gelditu dira, ezintasunak edota gabeziaren batek jota”. Izenburuak dioen moduan, beraz, “artista izorratuak" dira.
Gizarte usteldu honen benetako aurpegia erakutsi, eta gainera irakurleak gozaraztea lortzen du; hori da, nire ustez, benetako literaturaren gakoa. Nolabait esatearren, distantzia laburretan onena ematen duen horietakoa da Montoia. Etxeko intimitatera, pertsonaien arteko elkarrizketa eta laztan-keinuetara edo protagonistaren barrenera hurbiltzen denean lortzen du bere literaturak indarrik handiena.
Oso gustuko dut Xabier Montoia. Ahots propioa duelako, establishmenetik urrun dabilelako, ez duelako bere buruaz hitz egiten, ez dabilelako bere obrak saldu nahian, ironiaz jositako estilo gordin eta garratza darabilelako... baina, batez ere, bere lanak oso ondo idatzita egoteaz gain, gogoetarako iturri direlako. Ez da gutxi, gero. Bide batez, sekretutxo bat aitortuko dizuet, ile-apaindegi berera goaz, baina, tamalez, ez dugu sekula elkar topatu.
Ez da Xabier Montoia hizpide dugun lehenengo aldia. Duela hilabete batzuk, Golgota nobela ekarri genuen kultur leiho honetara. Montoia, ordea, ipuingile gisa nabarmendu da, eta, horregatik ezin nuen 10 ipuinez osatutako obra honetaz hitz egiteko aukera galdu.
Fucking artists haren azken lana da, baina Montoiak ibilbide luzea egin du idazle gisa, eta ipuin-bilduma gogoangarriak utzi dizkigu, besteak beste: Gasteizko hondartzak (1997koa) edo Euskal Hiria sutan (2006).
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide