Espainiako Auzitegi Konstituzionalak atzo gauerdian eman zuen aditzera bere erabakia; Bildu koalizioaren zerrendak baliogabetzeko Auzitegi Gorenak hartutako erabakia atzera botaz. Auzitegi Konstituzionalak osoko bilkuran hartu zuen erabakia. Bilkura osatzen duten 11 epaileetatik seik egin zuten Bilduren zerrendak onartzearen alde, eta bostek ordea kontra.
Gauzak horrela, Alternatiba, Eusko Alkartasuna eta independenteek osatzen duten koalizioak Aiaraldean aurkeztutako zerrendak udal eta foru hauteskundeetan egongo dira. Orain Fiskaltzak eta Estatuko Abokatuek maiatzaren 12ra arte epea dute kanpainan lege urratzea egon dela iritziz gero, berriro zerrendak inpugnatzeko.
Bilduk ondoko herrietan aurkeztu ditu hautagai zerrendak: Laudio, Amurrio, Artziniega, Urduña, Okondo, Orozko, Arrankudiaga-Zollo, Arakaldo eta Aiaran.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
