Aurrerantzean herriko kaleen eta guneen izenak erabakitzeko irizpideak adostu berri ditu Laudioko Udalak. Horrela, tokiko toponimoak lehenetsiko dira izendapenetan, eta toponimo egokirik ez izatekotan, bere ibilbide eta lanagatik herritik harago ere gogoratuak izatea merezi duten pertsonen izenak erabiliko dira. Entitateen izenak ere izendapen hauetarako erabiltzea aurreikusten da adostutako irizpideetan.
Azken garai hauetan Laudion egin izan diren izendapen berriek ere irizpide hauek jarraitu izan dituzte; Latiorroko etxebizitza-gune berria"Apaloeta" izendatuz (bertako errekasto baten izena da), eta Areta eta Altzarrateko etxebizitza-guneei Patricia Bilbao eta Carlos Larrearena jarriz, biak ere euren lanagatik ezagun izan diren bi pertsona, emagina lehena eta kirol elkarteen sustatzaile bigarrena.
Hilabete honetako Udalbatzan onartutako Euskararen Erabilerarako Udal Ordenantzan adierazten denez, udaleko Euskara Sailak atondutako toponimia-mapari jarraiki erabiliko dira leku-izenak.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
