2006an udalaren sustapenez sortutako Amurrio Bidean elkarteak kudeatzen duen Refor Amurrio enpresaldean nork bere enpresa propioa ezartzeko aukera dago, enpresen haztegian hain zuzen ere. Bertan, enpresaren jarduera jasoko duen lokala baldintza onuragarrietan eskuratzeaz gainera, enpresaren bideragarritasuna aztertzen laguntzeko aholkularitza zerbitzua eskaintzen zaie interesatuei, bai eta etengabeko prestakuntzarako programen eskaintza zabala ere.
Enpresen haztegian abenduan eskuragarri egongo dira lokalak, urtarrilaren 1a bitarte. Lokal hauek 10 eta 36 metro koadro artekoak dira eta ordaindu beharreko errenta, metro kopuruaren araberakoa (10 eta 16 euro metro koadroko), elektrizitate, ura, interneterako sarbidea eta garbiketa barne. Enpresen sustapenerako bitarteko izan nahi duen haztegi honetako azpiegiturak nahieran erabiltzeko aukera eskaintzen zaie bertan ezartzen diren enpresei; hala nola bilera gelak, auditorioa eta liburutegia.
Enpresen haztegian izena eman eta onartuak diren entitateek lokalaren erabilerarako hiru urteko kontratua sinatuko dute, bost urtera arte ere luza daitekeena.
Informazio gehiago eskuratu nahi izanez gero; www.amurriobidean.org