Bartzelonan egiten den euskal musikaren jaialdia da EHSona, eta aurten lehenengo aldiz antolatu dute euskal musika taldeen arteko lehiaketa.
Sokaide Aiarako taldea izan da lehen edizio honetako irabazlea, eta hori dela eta datorren azaroaren 20an Bartzelonako La Fontana aretoan joko dute, Grazia auzoan.
Eurekin batera arituko dira jaialdi honetan Gose, Joseba Tapia, Bide Ertzean, Aupa Quartet, Sorkun, Gari, Oreka TX, Ze Esatek!, Npoka Iria eta beste hainbat euskal musika talde eta kultur espresio.(Informazio zehatzagoa erantsitako dosierrean).
Hau ez da Sokaideren historia laburrean taldeak irabazten duen lehenengo sariketa; Mendebala, Folkez Blai edo Plasencia Folk (Caceres) lehiaketetan finalista eta irabazle izan direlako.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
